உலக அரசியல்

வடகிழக்கு பாகிஸ்தானில் கைபர் பக்துன்வா மாகாணம் கொகிஸ்தான் பகுதியில் தாசு நீர் மின் நிலையம் கட்டும் பணி நடைபெற்று வருகிறது. இந்த பணிக்காக பெர்சீம் முகாமில் இருந்து இன்று காலை ஒரு பஸ்சில் சீன என்ஜினீயர்கள், சீன வீரர்கள் மற்றும் தொழிலாளர்கள் 30 பேர் பயணம் செய்து கொண்டு இருந்தனர். அப்போது பயங்கர சத்தத்துடன் குண்டு வெடித்தது. இதில் சீன என்ஜினீயர் மற்றும் சீன வீரர்கள் உள்பட 10 பேர் பலியானர்கள். பலர் காயம் அடைந்துள்ளனர் அவர்கள் தாசு அரசு மருத்துவமனையில் அனுமதிக்கப்பட்டு உள்ளனர். சிகிச்சை பெற்று வருபவர்களின் பலரின் நிலமை கவலைக்கிடமாக இருப்பதால் பலி எண்ணிக்கை உயரும் என அஞ்சப்படுகிறது. இதற்கிடையில், சீன நாட்டினர்…

ஹைத்தி அதிபர் ஜோவெனெல் மயிஸ், அவரது இல்லத்தில் பாதுகாவலர்களால் படுகொலை செய்யப்பட்டார். அவரது மனைவி படுகாயங்களுடன் மருத்துவமனையில் சிகிச்சை பெற்று வருகிறார். இந்த சம்பவத்தை உறுதி செய்துள்ள அந்நாட்டு இடைக்கால பிரதமர் ஜோசப், தாக்குதல் மனிதநேயமற்றது. வெறுப்பை தரக்கூடியது. நாட்டின் பாதுகாப்பு கட்டுக்குள் உள்ளது. போலீசார் மற்றும் ஆயுதப்படையினர் கட்டுப்பாட்டில் சட்டம் ஒழுங்கு உள்ளது. முக்கிய இடங்களுக்கு, பாதுகாப்பு படையினர் அனுப்பி வைக்கப்பட்டுள்ளனர். தேவைப்படும் இடங்களுக்கு அனுப்பி வைக்கப்படுவார்கள் என தெரிவித்து உள்ளார். அதிபர் படுகொலையை தொடர்ந்து, தன்னை தானே அதிபராகவும் ஜோசப் அறிவித்துள்ளார். அதிபர் படுகொலையை தொடர்ந்து, தலைநகர் போர்ட் அவ் பிரின்ஸ் நகர சாலைகள் வெறிச்சோடி காணப்படுகிறது. மக்கள் வீடுகளுக்குள் உள்ளனர். ஒரு…

இலங்கையில் தமிழர்களுக்கு தனிநாடு கோரி 30 ஆண்டு காலம் நடைபெற்றுவந்த உள்நாட்டு யுத்தம், கடந்த 2009-ம் ஆண்டு நடைபெற்ற இறுதிகட்ட போருடன் முடிவுக்கு வந்தது. ஆனாலும் இறுதிகட்ட போரில் ராணுவத்தின் மனித உரிமை மீறல்கள் உள்ளிட்டவை தொடர்பாக சர்வதேச நாடுகளின் நெருக்கடியை தொடர்ந்து இலங்கை சந்தித்துவருகிறது. குறிப்பாக 27 நாடுகளை உறுப்பினர்களாக கொண்ட ஐரோப்பிய ஒன்றியம், இலங்கையின் மனித உரிமை மீறல்கள் அடிப்படையில், அந்நாட்டுக்கான ஏற்றுமதி சலுகை ரத்து செய்யப்படும் என்று எச்சரித்துள்ளது. ஐரோப்பிய ஒன்றியம் அளித்துள்ள ‘ஜி.எஸ்.பி. பிளஸ்’ வர்த்தகச் சலுகையால், ஐரோப்பிய நாடுகளுக்கு இலங்கையால் வரியின்றி பொருட்களை ஏற்றுமதி செய்ய முடிகிறது. கடந்த 2010-ம் ஆண்டு ரத்து செய்யப்பட்ட இச்சலுகை, 2017-ல் மீண்டும்…

மேற்கு ஆப்ரிக்க நாடான புர்கினா பாசோவில் 130 பொது மக்கள் கொல்லப்பட்ட கொடூர தாக்குதலில், அல்கொய்தா மற்றும் ஐ.எஸ்., அமைப்புடன் தொடர்புடைய பயங்கரவாதிகள் 14 வயதுக்குட்பட்ட ஜிஹாதி சிறுவர்களை பயன்படுத்தியிருப்பது தெரியவந்துள்ளது. மேற்கு ஆப்ரிக்காவிலிருந்து கிழக்கு வரை உள்ள மித வறண்ட பகுதி சாஹேல் பிராந்தியம் எனப்படுகிறது. செனகல், மாலி, புர்கினா பாசோ, அல்ஜீரியா, நைஜீர், நைஜீரியா, சூடான் ஆகிய நாடுகள் இப்பிராந்தியத்தில் வருகின்றன. இப்பிராந்தியம் பல ஆண்டுகளாக பயங்கரவாதத்தால் பாதிக்கப்பட்டுள்ளது. 2013ல் வடக்கு மாலியின் பெரும் பகுதிகளை பயங்கரவாதிகள் கைப்பற்றியதில் இருந்து இந்நிலை தொடர்கிறது. அப்பகுதி தான் போதைப்பொருட்கள், ஆயுதங்கள் மற்றும் ஜிகாதிகளுக்கான முக்கிய பாதை. ஜிஹாதி பயங்கரவாதிகளை எதிர்க்க அப்பிராந்தியத்தில் உள்ள அரசுகளுக்கு…

அமெரிக்காவில் வரும் ஜூலை 3-ஆம் தேதி அமெரிக்க முன்னாள் அதிபர் டொனால்டு டிரம்ப் ‘சேவ் அமெரிக்கா’ (அமெரிக்காவை காக்கவேண்டும்) என்கிற தலைப்பில் பிரமாண்ட பேரணி ஒன்றை தனது ஆதரவாளர்களுடன் நடத்தத் திட்டமிட்டுள்ளார். புளோரிடா மாகாணத்தின் சரசோட்டா நகரில் வரும் ஜூலை 3 (சனிக்கிழமை) டொனால்ட் ட்ரம்ப், ஜோ பைடன் அரசுக்கு எதிராக மாபெரும் பேரணி நடத்த உள்ளதாக அமெரிக்க ஊடகங்களுக்கு அவரது கட்சியினர் அதிகாரப்பூர்வமாக தகவல் அளித்துள்ளனர்.கடந்த ஜனவரி மாதம் அமெரிக்க அதிபர் தேர்தலில் ஜனநாயகக் கட்சி வேட்பாளர் ஜோ பைடன் மாபெரும் வெற்றிபெற்று புதிய அதிபராகப் பதவியேற்றார். தனது தோல்வியை ஏற்றுக்கொள்ளாத டிரம்ப் தொடர்ந்து வாக்கு எண்ணிக்கை முறைகேடு தொடர்பாக நீதிமன்றத்தில் வழக்காடினார். டொனால்ட்…

உலக அளவில் கொரோனா வைரஸ் தொற்று பாதிப்பில் முதலிடத்தில் அமெரிக்காவும், இரண்டாம் இடத்தில் இந்தியாவும், மூன்றாவது இடத்தில் பிரேசிலும் உள்ளன. இதுவரை உலக அளவில் 17.96 கோடிக்கும் அதிகமானோர் கொரோனா வைரசால் பாதிக்கப்பட்டுள்ளனர். வைரஸ் தொற்றுக்கு இதுவரை 38.91 லட்சத்துக்கும் அதிகமானோர் உயிரிழந்துள்ளனர். கொரோனாவால் அதிகம் பாதிக்கப்பட்ட நாடுகளின் வரிசையில் தற்போது ரஷ்யா 6-வது இடத்தில் உள்ளது. இந்நிலையில் ரஷ்யாவில் கடந்த 24 மணி நேரத்தில் புதிதாக 16,715 பேருக்கு கொரோனா தொற்று உறுதி செய்யப்பட்டுள்ளது. இதன்மூலம் ரஷ்யாவில் வைரஸ் தொற்றால் பாதிக்கப்பட்டோர் எண்ணிக்கை தற்போது 53,50,919 ஆக உயர்ந்துள்ளது. கொரோனா தொற்றுக்கு மேலும் 546 பேர் உயிரிழந்ததால், அங்கு பலியானோர் எண்ணிக்கை 1 லட்சத்து…

சீனாவில் இதுவரை பொதுமக்களுக்கு 100 கோடி தடுப்பூசிகள் செலுத்தப்பட்டு உள்ளதாக அந்நாட்டு தேசிய சுகாதார ஆணையம் தெரிவித்துள்ளது. உலகில் முதன் முதலாக சீனாவில் கடந்த 2019ம் ஆண்டின் இறுதியில் கோவிட் வைரஸ் பெருந்தொற்று கண்டறியப்பட்டது. தற்போது அமெரிக்கா, இந்தியா உள்ளிட்ட நாடுகள் இந்த வைரசுடன் போராடிக் கொண்டிருக்க, சீனா இந்த வைரசைக் கட்டுக்குள் கொண்டுவந்ததாக அறிவித்துள்ளது. சீன சுகாதார ஆணையத்தின் துணைத் தலைவர் செங்க் இக்சின் தெரிவித்து உள்ளதாவது: சீனாவில் தற்போது கோவிட் தடுப்பூசி போடும் பணிகள் தீவிரமாக நடைபெற்று வருகின்றன. உள்நாட்டு நிறுவனங்களின் தடுப்பூசிகளைத் தவிர வேறு தடுப்பூசிகளுக்கு சீன அரசு அனுமதி வழங்கவில்லை. அந்த வகையில் சீனாவில் நான்கு தடுப்பூசிகளுக்கு இதுவரை அனுமதி…

பிரான்ஸ் நாட்டில் கோவிட் தொற்று பாதிப்பு குறைந்துள்ளதாலும், தடுப்பூசி போடும் பணிகள் தீவிரப்படுத்தப்பட்டுள்ளதாலும் வெளியிடங்களில் முகக்கவசம் கட்டாயம் எனும் விதியை வியாழன் முதல் தளர்த்துவதாக அந்நாட்டு பிரதமர் ஜான் கேஸ்டெக்ஸ் அறிவித்துள்ளார். சுமார் 7 கோடி மக்கள் தொகை கொண்ட பிரான்ஸில் செவ்வாயன்று தினசரி தொற்று பாதிப்பு 3,200 என்ற எண்ணிக்கைக்கு வந்திருக்கிறது. 2020 ஆகஸ்டுக்கு பின் இதுவே அந்நாட்டின் குறைந்தபட்ச பாதிப்பு ஆகும். கடந்த ஆண்டு இறுதியில் அதிபர் இம்மானுவேல் மேக்ரான், நாட்டில் தொற்று பாதிப்பை 5 ஆயிரமாக குறைக்க திட்டமிட்டார். அவரது இலக்கை காட்டிலும் தொற்று பாதிப்பு சரிந்துள்ளது. இதனால் அந்நாட்டு அரசு கட்டுப்பாடுகளை நீக்கி அறிவித்துள்ளது. அமைச்சரவை கூட்டத்திற்கு பின் செய்தியாளர்களை…

இஸ்ரேலின் புதிய பிரதமராக நப்தாலி பென்னட் பதவி ஏற்றுக் கொண்டார். இதன் மூலம் பெஞ்சமின் நெதன்யாகுவின் 12 ஆண்டு கால ஆட்சி முடிவுக்கு வந்துள்ளது. மேற்காசியாவை சேர்ந்த இஸ்ரேலில் கடந்த இரண்டரை ஆண்டுகளில் நான்கு முறை பொதுத் தேர்தல் நடந்துள்ளது. ஒவ்வொரு தேர்தலிலும் நெதன்யாகுவின் லிக்யுட் கட்சி அதிக இடங்களை கைப்பற்றியது.எனினும் பெரும்பான்மை பலம் இல்லாததால் நீடிக்க முடியவில்லை. அதனால் காபந்து பிரதமராக நெதன்யாகு நீடித்து வந்தார். கடந்த மார்ச் 23-ம் தேதி நடந்த தேர்தலில், மொத்தம் உள்ள 120 இடங்களில் பெஞ்சமின் நெதன்யாகு கட்சி 54 இடங்களைப் பிடித்தது. தனிப்பெரும் கட்சியாக வந்தபோதும் அவரால் கூட்டணி அரசு அமைக்க முடியவில்லை. இதனால் இழுபறி நிலைமை…

பிரான்ஸ் அதிபர் இமானுவேல் மேக்ரானின் கன்னத்தில் அறைந்த நபரால் பெரும் பரபரப்பு ஏற்பட்டுள்ளது. தெற்கு பிரான்சுக்கு சென்று கொண்டிருந்த இமானுவேல் மேக்ரான், அவ்வழியாக சென்ற மக்களிடம் சிறிது நேரம் நின்று பேசிக்கொண்டிருந்தார். அப்போது, திடீரெனெ ஒரு நபர் இமானுவேல் மேக்ரானின் கன்னத்தில் அறைந்தார். உடனடியாக இதைக் கவனித்து அதிர்ச்சி அடைந்த பாதுகாப்பு படையினர் குறிப்பிட்ட நபரை பிடித்து இழுத்துச்சென்றனர். பிரான்ஸில் பெரும் பரபரப்பை ஏற்படுத்திய இச்சம்பவம் தொடர்பாக இரண்டு பேர் கைது செய்யப்பட்டுள்ளனர். இந்த சம்பவம் ஜனநாயகத்திற்கு ஏற்பட்ட இழுக்கு என பிரான்ஸ் பிரதமர் ஜீன் கேஸ்டெக்ஸ் தெரிவித்துள்ளார்.