Featured

இங்கிலாந்துக்கு எதிரான முதல் ஒருநாள் போட்டியில் அசத்திய இந்திய அணி 66 ரன் வித்தியாசத்தில் வெற்றி பெற்றது. அறிமுக போட்டியில் இந்தியாவின் குர்னால் பாண்ட்யா (58 ரன்), பிரசித் கிருஷ்ணா (4 விக்கெட்) வெற்றிக்கு கைகொடுத்தனர். இந்தியா வந்துள்ள இங்கிலாந்து அணி, மூன்று போட்டிகள் கொண்ட ஒருநாள் தொடரில் பங்கேற்கிறது. முதல் போட்டி புனேயில் நடந்தது. இந்திய அணியில் குர்னால் பாண்ட்யா, பிரசித் கிருஷ்ணா அறிமுகமாகினர். ‘டாஸ்’ வென்ற இங்கிலாந்து அணி கேப்டன் இயான் மார்கன் ‘பீல்டிங்’ தேர்வு செய்தார். இந்திய அணிக்கு ஷிகர் தவான், ரோகித் சர்மா ஜோடி நல்ல துவக்கம் தந்தது. முதல் விக்கெட்டுக்கு 64 ரன் சேர்த்த போது ரோகித் (28)…

சென்னை: தேர்தல் பிரசாரங்களின் போது முகக்கவசம் அணிதல், சமூக இடைவெளியை கடைப்பிடித்தல் உள்ளிட்ட கொரோனா தடுப்பு விதிகளை அரசியல் கட்சிகளும், வேட்பாளர்களும் பின்பற்ற வேண்டும் என அறிவுறுத்த தேர்தல் ஆணையத்துக்கு சென்னை உயர்நீதிமன்றம் உத்தரவிட்டுள்ளது. சென்னை உயர்நீதிமன்றத்தில் மதுரை ஒத்தக்கடையைச் சேர்ந்த ஜலாவுதீன் என்பவர் தாக்கல் செய்த மனுவில் கூறப்பட்டுள்ளதாவது: தமிழக சட்டசபை தேர்தலில் மக்களின் வாக்குகளை பெற அரசியல் கட்சிகள் தீவிர பிரசாரத்தில் ஈடுபட்டு வருகின்றனர். கடந்தாண்டு இந்தியாவில் கொரோனா நோய்த் தொற்றுப் பரவலைத் தொடர்ந்து நாடு முழுவதும் பொதுமுடக்கம் அமல்படுத்தப்பட்டது. தற்போது பல்வேறு தளர்வுகளுடன் பொதுமுடக்கம் அறிவிக்கப்பட்டுள்ள நிலையில் அரசியல் கட்சியினர், கூட்டம் கூட்டமாக சென்று மக்கள் மத்தியில் பிரசாரம் செய்கின்றனர். இதனால்…

சென்னை: தமிழக சட்டசபை தேர்தல் அட்டவணையில் மாற்றமில்லை என்றும், திட்டமிட்டப்படி தேர்தல் நடைபெறும் எனவும், தமிழக தலைமை தேர்தல் அதிகாரி சத்யபிரதா சாகு தெரிவித்துள்ளார். தமிழக தலைமை தேர்தல் அதிகாரி சத்யபிரதா சாகு செய்தியாளர்களிடம் கூறியதாவது: தமிழகத்தில் இதுவரை நடத்தப்பட்ட வாகனச் சோதனையில் ரூ.83.99 கோடி ரொக்கம் பறிமுதல் செய்யப்பட்டுள்ளது. ரூ.1.70 கோடி மதிப்புள்ள மதுபானம் பறிமுதல் செய்யப்பட்டுள்ளது. தமிழகத்தில் மொத்தம் 6.29 கோடி வாக்காளர்கள் உள்ளனர். அவர்களில் ஆண்கள் 3.09 கோடி பேரும், பெண்கள் 3.19 கோடி பேரும் உள்ளனர். 7,192 மூன்றாம் பாலினத்தவர்கள் உள்ளனர். 80 வயதுக்கு மேற்பட்ட வாக்காளர்கள் தமிழகத்தில் மொத்தம் 12.87 லட்சம் பேர் உள்ளனர். இவர்களில் 1,49,567 பேர்…

அசாம் சட்டசபை தேர்தலை முன்னிட்டு திப்ருகார்க் நகரில் நடந்த தேர்தல் பிரசார கூட்டத்தில் ராகுல் பேசியதாவது: அசாம் தேயிலை தொழிலாளர்களுக்கு, சம்பளமாக 351 ரூபாய் தருவதாக பா.ஜ., உறுதி அளித்தது. ஆனால், 167 ரூபாய் மட்டும் தான் அளிக்கிறது. நான் மோடி அல்ல. நான் பொய் சொல்ல மாட்டேன். இன்று, நாங்கள் உங்களுக்கு 5 உறுதிமொழி அளிக்கிறோம். *தேயிலை தொழிலாளர்களுக்கு 365 ரூபாய் சம்பளம் தருவோம். *குடியுரிமை சட்டத்திற்கு எதிர்ப்பு தெரிவிப்போம். *5 லட்சம் வேலைவாய்ப்புகள். *200 யூனிட் இலவச மின்சாரம் *குடும்ப தலைவிகளுக்கு ரூ.2 ஆயிரம் வழங்குவோம். தேயிலை தொழிற்சாலைக்கு, நாங்கள் சிறப்பு அமைச்சகம் அமைத்து, உங்களின் பிரச்னைகளை தீர்ப்போம். தேயிலை தொழிலாளர்களுடன் ஆலோசித்து,…

தமிழகத்தில் இன்று (மார்ச்-19) 1087 பேருக்கு கொரோனா உறுதியாகியுள்ளது. இதனால் பாதிக்கப்பட்டவர்களின் எண்ணிக்கை 8,64,450 ஆக அதிகரித்து உள்ளது. தமிழகத்தில் உள்ள 259 ஆய்வகங்கள் (அரசு- 69 மற்றும் தனியார்-190) மூலமாக, இன்று மட்டும் 73,201 மாதிரிகள் பரிசோதனை செய்யப்பட்டு உள்ளன. இதனுடன் சேர்த்து, இதுவரை ஒரு கோடியே 86 லட்சத்து 30 ஆயிரத்து 686 மாதிரிகள் சோதனையிடப்பட்டன. இன்று கொரோனா உறுதியானவர்களில், 639 பேர் ஆண்கள், 448 பேர் பெண்கள் என பாதிக்கப் பட்டு உள்ளனர். கொரோனா பாதித்த, ஆண்களின் மொத்த எண்ணிக்கை 5,22,159ஆகவும், பெண்களின் எண்ணிக்கை 3,42,256 ஆகவும், மூன்றாம் பாலினத்தவர்களின் எண்ணிக்கை 35 ஆகவும் உள்ளது. இன்று மட்டும் 610 பேர்…

தமிழகத்தில் கொரோனா பாதிப்பு சில நாட்களாக படிப்படியாக அதிகரித்து வரும் நிலையில், இன்று (மார்ச்.,18) 989 பேர் கொரோனாவால் பாதிக்கப்பட்டுள்ளனர்.இதுவரை 8.44 லட்சம் பேர் டிஸ்சார்ஜ் ஆகியுள்ளனர். தமிழகத்தில் இன்று (மார்ச்-18) 989 பேருக்கு கொரோனா உறுதியாகியுள்ளது. இதனால் பாதிக்கப்பட்டவர்களின் எண்ணிக்கை 8,63,363ஆக அதிகரித்து உள்ளது. தமிழகத்தில் உள்ள 259 ஆய்வகங்கள் (அரசு- 69 மற்றும் தனியார்-190) மூலமாக, இன்று மட்டும் 71,835மாதிரிகள் பரிசோதனை செய்யப்பட்டு உள்ளன. இதனுடன் சேர்த்து, இதுவரை ஒரு கோடியே 85 லட்சத்து 57 ஆயிரத்து 485 மாதிரிகள் சோதனையிடப்பட்டன. இன்று கொரோனா உறுதியானவர்களில், 604 பேர் ஆண்கள், 385 பேர் பெண்கள் என பாதிக்கப் பட்டு உள்ளனர். கொரோனா பாதித்த,…

கட்சியில் மீண்டும் போட்டியிட வாய்ப்பு மறுக்கப்பட்டதால், அதிமுக.,வை சேர்ந்த எம்.எல்.ஏ.,க்கள் சுயேட்சையாக வேட்புமனு தாக்கல் செய்துள்ளனர். ஈரோடு மாவட்டம் பெருந்துறை தொகுதியில் 2011 மற்றும் 2016 தேர்தலில் வெற்றிப்பெற்று 10 ஆண்டுகளாக அதிமுக எம்எல்ஏ.,வாக இருந்தவர் தோப்பு வெங்கடாசலம். 2011-ல் வெற்றி பெற்றபோது முதலில் வருவாய்த்துறை அமைச்சராகவும், பின்னர் சுற்றுச்சூழல் துறை அமைச்சராகவும் பதவி வகித்தார். அப்படியிருக்கையில் அவருக்கும் இந்த தேர்தலில் வாய்ப்பு அளிக்கப்படவில்லை. அவருக்கு பதிலாக ஜெயக்குமார் என்பவருக்கு அதிமுக ‛சீட்’ கொடுத்துள்ளது. இதனால் அதிருப்தி அடைந்த தோப்பு வெங்கடாசலம், அவருக்கு எதிராக சுயேட்சையாக வேட்புமனு தாக்கல் செய்தார். அதேபோல், நாமக்கல் மாவட்டம் சேந்தமங்கலம் தொகுதி எம்.எல்.ஏ.,வாக இருப்பவர் சந்திரசேகரன். இவருக்கு இந்த முறை…

இமாச்சல் பிரதேச பா.ஜ., எம்பி ராம் ஸ்வரூப் ஷர்மா உடல் தூக்கில் தொங்கியவாறு சடலமாக மீட்கப்பட்டுள்ளது. இரண்டு முறை பார்லி உறுப்பினராக இருந்த பா.ஜ., எம்.பி., ராம் ஸ்வரூப் ஷர்மா, 62, டில்லி ஆர்எம்எல் மருத்துவமனைக்கு அருகே உள்ள கோமதி அடுக்குமாடி குடியிருப்பில் உள்ள வீட்டில் மனைவியுடன் தங்கியுள்ளார். இந்நிலையில், இன்று (மார்ச் 17) காலையில், அவரது மனைவி கோயிலுக்கு சென்றிருந்த சமயத்தில், தூக்கில் தொங்கிய நிலையில், அவரது உடல் மீட்கப்பட்டது பரபரப்பை ஏற்படுத்தியுள்ளது. வீட்டின் கதவு உள்பக்கமாக தாழிடப்பட்டிருந்ததால், அவர் தற்கொலை செய்திருக்கலாம் எனக் கூறப்படுகிறது. இமாச்சல பிரதேசம், மாண்டி தொகுதியை சேர்ந்த பாஜக எம்பி ஸ்ரீ ராம் ஸ்வரூப் சர்மா, டெல்லியில் உள்ள…

கோல்கட்டா: தேர்தல் கமிஷனை பொறுத்தவரை வாக்காளர்களுக்கு தான் முதலில் முக்கியத்துவம் அளிப்போம். அரசியல் கட்சிகளுக்கு 2வது முக்கியத்துவம் தான் என மே.வங்க மாநில துணை தேர்தல் கமிஷனர் சுதீப் ஜெயின் தெரிவித்துள்ளார். மேற்கு வங்க மாநிலம் பங்குராவில் நடந்த தேர்தல் பிரசார கூட்டத்தில் திரிணமுல் காங்கிரஸ் தலைவரும், முதல்வருமான மம்தா பானர்ஜி பேசும்போது, அமித் ஷாவின் கைப்பாவையாக, தேர்தல் ஆணையம் செயல்படுகிறது. அவர் உத்தரவுப்படி, தேர்தல் ஆணையம், என் பாதுகாப்பு பிரிவு இயக்குனர் விவேக் சஹாயை நீக்கியுள்ளது என தெரிவித்திருந்தார். இதற்கு பதிலளித்து சுதிப் ஜெயின் எழுதிய கடிதத்தில் கூறியுள்ளதாவது: தேர்தல் கமிஷன் தனது சுயசார்பு தன்மையை பராமரித்து வருகிறது. எந்த கட்சியுடனும் தேர்தல் கமிஷனை…

பொது இடங்களில் மாஸ்க் அணியாதவர்களிடம் அபராதம் வசூலிக்கும்படி தமிழக அரசு உத்தரவு பிறப்பித்து உள்ளது. தமிழகத்தில் கொரோனா பாதிப்பு அதிகரித்து வரும் சூழ்நிலையில், அதனை கண்காணிக்க அனைத்து நடவடிக்கைகளை மாவட்ட வாரியாக தலைமை செயலர் ஆய்வு நடத்தினார். இந்த கூட்டத்தில், டிஜிபி, கூடுதல் தலைமை செயலர், வருவாய் துறை ஆணையர், முதன்மை தேர்தல் அலுவலர், முதன்மை செயலாளர்(பொது, சுகாதாரம்) தமிழக மருத்துவ பணிகள் கழகம், மேலாண்மை இயக்குநர், சென்னை மாநகராட்சி கமிஷனர், சென்னை போலீஷ் கமிஷனர் பொது சுகாதார துறை இயக்குநர் மற்றும் அதிகாரிகள் கலந்து கொண்டனர். இந்த கூட்டத்தில், தலைமை செயலர் பிறப்பித்த உத்தரவு: 1. பொது இடங்களில் பொது மக்கள் மாஸ்க் அணிவதையும்,…