மோதியின் பிரான்ஸ் பயணம் – இரு நாடுகளுக்கிடையே வர்த்தக உறவுகளை மேம்படுத்த உதவுமா?

கடந்த 25 ஆண்டுகளில் இரு நாடுகளும் இந்த ஒப்பந்தத்தை கடைப்பிடித்து வருகின்றன. இந்த ஒப்பந்தத்திற்குப் பிறகு, 1998-ம் ஆண்டு ராஜஸ்தான் மாநிலம் பொக்ரானில் இந்தியா அணு ஆயுத சோதனை நடத்தியது. இதற்கு பதிலடியாக அனைத்து மேற்கத்திய நாடுகளும் இந்தியா மீது பல வகையான கட்டுப்பாடுகளை விதித்தன். ஆனால் பிரான்ஸ் இந்த தடை நாடுகளுடன் சேரவில்லை. இது மட்டுமின்றி, இந்தக் கட்டுப்பாடுகளை நீக்க இந்தியா மேற்கொண்ட முயற்சிகளுக்கு பிரான்ஸ் ஆதரவு அளித்தது.

இத்துடன் சில நாடுகள் இந்தியாவுக்கு ஆயுத ஏற்றுமதிக்கு கட்டுப்பாடுகளை விதித்திருந்தன. ஆனால் பிரான்ஸ் அந்தச் சந்தர்ப்பத்திலும் தடை நாடுகளுடன் நிற்கவில்லை. இந்தக் காரணத்திற்காக, கடந்த 25 ஆண்டுகளில், விமானம் முதல் நீர்மூழ்கிக் கப்பல்கள் வரை பல்வேறு வகையான பாதுகாப்புப் பொருட்களை இந்தியாவிற்கு விற்பனை செய்யும் இரண்டாவது பெரிய நாடாக பிரான்ஸ் மாறியுள்ளது. இந்த விஷயத்தில் ரஷ்யா மட்டுமே பிரான்ஸை விட முன்னிலையில் உள்ளது.