Author: netultim2

அதிக அறுவடையை பெறுவதற்காக இரசாயனப் பொருட்கள் பல விவசாயிகளினால் பசளைகளாக பயன்படுத்தப்பட்டு வருகின்றன. ஆனால் இவ்வாறான பசளைகள் காரணமாக சிறுநீரக கோளாறுகளே அதிகம் ஏற்படுகின்றதென ஜனாதிபதி தெரிவித்துள்ளார். தாமரை தடாகத்தில் நேற்று இடம் பெற்ற விஞ்ஞானம் மற்றும் தொழிநுட்ப நிகழ்வில் கலந்துக் கொண்டு உரையாற்றும் போதே ஜனாதிபதி மைத்திரிபால சிறிசேன இவ்வாறு தெரிவித்துள்ளார். அங்கு உரையாற்றிய ஜனாதிபதி, கிராமங்களுக்கு சென்று விவசாயிகளின் பிரச்சினைகளை கேட்டு அதற்கு விஞ்ஞானிகள் தீர்வு வழங்க வேண்டும். அதுமட்டுமன்றி நாம் இயற்கை மற்றும் அறிவியல் விடயங்களை சமுதாயத்தில் ஊக்குவிக்க வேண்டும். அதிக அறுவடையை பெறுவதற்காக இரசாயனப் பொருட்கள் பல விவசாயிகளினால் பசளைகளாக பயன்படுத்தப்பட்டு வருகின்றன.

சூரியவெவ பிரதேசத்திலுள்ள பாடசாலை ஒன்றில், ஆசிரியை ஒருவரால் தாக்கப்பட்ட மாணவி ஒருவர் வைத்தியசாலையில் அனுமதிக்கப்பட்டுள்ளார். ஆறாம் தரத்தில் கல்வி கற்கும் மாணவியே இவ்வாறு வைத்தியசாலையில் அனுமதிக்கப்பட்டுள்ளதாக தெரிவிக்கப்பட்டுள்ளது. குறித்த மாணவியை தனது தாயாருடன் பாடசாலைக்கு வருமாறு ஆசிரியை தெரிவித்துள்ளார். எனினும் மாணவியின் தாயார் தவிர்க்க முடியாத காரணத்தினால் பாடசாலைக்கு செல்லவில்லை என்று குறிப்பிடப்பட்டுள்ளது. இதன் காரணமாகவே ஆசிரியர் தன்னை தாக்கியதாக மாணவி தெரிவித்துள்ளார். எனினும் இந்தத் தாக்குதல் சம்பவம் உண்மைக்கு புறம்பானவை என பாடசாலையின் அதிபர் தெரிவித்துள்ளார். சம்பவம் தொடர்பில் பொலிஸார் விசாரணைகளை ஆரம்பித்துள்ளனர். advertisement

கொலை செய்யப்பட்ட சன்டேலீடர் பத்திரிகையின் முன்னாள் பிரதம ஆசிரியர் லசந்த விக்ரமதுங்க கொலை சம்பவம் தொடர்பான விசாரணைகளை வேண்டும் என்றே குழப்பி, சந்தேக நபர்களை விடுவித்தமை தொடர்பாக இரண்டு முன்னாள் பொலிஸ் மா அதிபர்கள் கைது செய்யப்பட வாய்ப்புள்ளதாக தகவல்கள் தெரிவிக்கின்றன. முன்னாள் பொலிஸ் மா அதிபர்களான ஜயந்த விக்ரமரத்ன மற்றும் மகிந்த பாலசூரிய ஆகியோரே இவ்வாறு கைது செய்யப்படலாம் எனக் கூறப்படுகிறது, லசந்த விக்ரமதுங்க கொலை செய்யப்படும் முன்னர், அவரது வாகனத்தை பின்தொடர்ந்து சென்ற அரச வாகனத்தின் இலக்கத்தை லசந்த வலது கையில் எழுதிய அவரது தனிப்பட்ட குறிப்பேட்டை தொலைத்ததாக ஜயந்த விக்ரமரத்னவுக்கு எதிராக குற்றம் சுமத்தப்பட்டுள்ளது.

நிதி மோசடி தொடர்பான பொலிஸ் விசாரணைப் பிரிவினால் கைப்பற்றப்பட்ட தனது வாகனம் சட்ட ரீதியானது என பாராளுமன்ற உறுப்பினர் நாமல் ராஜபக்ச தெரிவித்துள்ளார். குறித்த வாகனமானது, 50 ஆயிரம் டொலரைக் கொடுத்தே கொள்வனவு செய்ததாகவும் அவர் குறிப்பிட்டுள்ளார். எனினும், இந்த வாகனத்தை பாராளுமன்ற உறுப்பினர் ஒருவருக்கு அரசினால் வழங்கப்படும் வரி விலக்கு வாகன அனுமதிப் பத்திரத்துக்கு கொள்வனவு செய்ய முடியாது எனவும் அவர் கூறியுள்ளார்.

முன்னாள் நாடாளுமன்ற உறுப்பினர் பாரத லக்ஸ்மன் கொலை செய்யப்பட்ட வழக்கு தொடர்பில், முன்னாள் நாடாளுமன்ற உறுப்பினர் துமிந்த சில்வாவுக்கு மரண தண்டனை விதிக்கப்பட்டுள்ளது. கடந்த மஹிந்த அரசாங்கத்தில் மிகவும் வலுவான உறுப்பினராகவும், ராஜபக்ஷ ரெஜிமென்டுக்கு மிகவும் நெருக்கமானவராகவும் துமிந்த சில்வா இருந்துள்ளார். இந்நிலையில் இன்று மரண தண்டனை விதிக்கப்பட்டுள்ள துமிந்தவை காப்பாற்றும் முயற்சியில் முன்னாள் பாதுகாப்பு செயலாளர் கோத்தபாய ராஜபக்ஷ ஈடுபட்டுள்ளதாக கொழும்பு ஊடகம் ஒன்று தெரிவித்துள்ளது.

கோலாலம்பூர் விமான நிலையத்தின் பாதுகாப்பு நடைமுறைகளை மீளமைக்கவுள்ளதாக மலேசிய பொலிஸார் தெரிவித்துள்ளனர். இலங்கையின் உயர்ஸ்தானிகர், இப்ராஹிம் சஹீப் அன்சார் அண்மையில் விமான நிலையத்தில் வைத்து தாக்கப்பட்டமையை அடுத்தே இந்த முடிவு எடுக்கப்பட்டுள்ளது. மலேசியாவின் பொலிஸ் முகாமைத்துவ திணைக்களத்தின் பணிப்பாளர் டெடுக் சேரி ஸூல்கிபிலி அப்துல்லா இது தொடர்பில் கருத்துரைக்கும்போது விமான நிலையத்தின் பாதுகாப்பு பணிகள் மீளமைக்கப்படவுள்ளதாக குறிப்பிட்டுள்ளார். தேவையேற்படுமாயின் பாதுகாப்பு பணியாளர்களின் எண்ணிக்கையையும் அதிகரிக்கவுள்ளதாக அவர் தெரிவித்துள்ளார்.

அல்ஜசீரா தொலைக்காட்சியில் ஒளிபரப்பான நிகழ்ச்சி ஒன்றின் பின்னர் மாலைதீவு பொலிஸாரால் அந்நாட்டின் ஊடக நிறுவனங்கள் பாரிய அச்சுறுத்தலை எதிர்நோக்கியுள்ளதாக தெரிவிக்கப்பட்டுள்ளது. மாலைதீவின் தற்போதைய ஜனாதிபதி அப்துல்லா யமீனால் முன்னெடுக்கப்பட்டு வரும்ஊழல்கள் தொடர்பாக இந்நிகழ்ச்சி அமைந்திருந்ததாகவும் குறிப்பிடப்பட்டுள்ளது. மாலைதீவின் ‘இன்டிபென்டன்ட்’ பத்திரிகையின் ஆசிரியர் சகீனா ரஸீட் உள்ளிட்டஅரசுக்கு எதிரான அரசியல் கட்சிகளை சேர்ந்த பிரபலங்கள் குறித்த தொலைக்காட்சியின் நேர்காணலில் கலந்து கொண்டிருந்தமை குறிப்பிடத்தக்கது.

சம்பூர் – நீலாங்கேணி பிரதேசத்தில் 6 வயது சிறுமி ஒருவர் கொலை செய்யப்பட்டுள்ளதாக சம்பூர் பொலிஸார் தெரிவித்துள்ளனர். இந்த சம்பவம் இன்று இடம்பெற்றுள்ளதாக பொலிஸார் தெரிவித்துள்ளனர். குறித்த சம்பவம் தொடர்பில் 14 வயது சிறுவன் ஒருவனை சந்தேகிக்கும் பொலிஸார், விசாரணைகளை முன்னெடுத்துள்ளனர். இதேவேளை, கொலை செய்யப்பட்ட சிறுமியின் தாயார் வெளிநாட்டில் தொழில்புரிவதாக பொலிஸார் மேலும் தெரிவித்துள்ளனர்.