இந்திய அரசியல்

நியுசிலாந்தில் இருந்து கொண்டு பொலிஸ்மா அதிபர் பூஜித் ஜயசுந்தரவின் பெயரில்பேஸ்புக் கணக்கை உருவாக்கி அதன்மூலம் பெண்களை ஏமாற்றி வந்த நபரைவிளக்கமறியலில் வைக்குமாறு உத்தரவிடப்பட்டுள்ளது. கடந்த 5ம் திகதி கட்டுநாயக்க விமானநிலையத்தில் வைத்து கைதுசெய்யப்பட்டமாத்தறையைச் சேர்ந்த சந்தேகநபர் இன்று கொழும்பு பிரதான நீதவான் நீதிமன்றில்ஆஜர்படுத்தப்பட்ட போது நீதவான் நிசாந்த பீரிஸ் இந்த உத்தரவைபிறப்பித்துள்ளார். சந்தேகநபர் தொடர்பில் கண்டியைச் சேர்ந்த பெண்ணொருவர் குற்றப்புலனாய்வுபிரிவில் செய்த முறைப்பாட்டிற்கு அமைய நியுசிலாந்தில் இருந்து இலங்கை வந்தஇவர் கைதுசெய்யப்பட்டிருந்தார். இதேவேளை பொலிஸ் சீருடை மீது தனக்கு இருந்த அதிக ஆசை காரணமாகவே தான் இவ்வாறுசெய்ததாக சந்தேகநபர் குற்றப்புலனாய்வு அதிகாரிகளிடம் விசாரணையின் போதுதெரிவித்திருப்பதாக குறிப்பிடப்பட்டுள்ளது.

ஐக்கிய தேசியக் கட்சியின் 70ஆம் ஆண்டு நிறைவு நிகழ்வில் பங்கேற்கப் போவதாக ஸ்ரீலங்கா சுதந்திரக் கட்சியின் பொதுச் செயலாளர் துமிந்த திஸாநாயக்க தெரிவித்துள்ளார். ஐக்கிய தேசியக் கட்சியின் ஆண்டு நிறைவு நிகழ்வில் பங்கேற்குமாறு அந்த கட்சியின் பொதுச் செயலாளர் கபிர் ஹாசீம் அழைப்பு விடுத்துள்ளார் எனவும் துமிந்த தெரிவித்துள்ளார். இந்த அழைப்பினை நிராகரிப்பதற்கு எந்தவிதமான காரணமும் கிடையாது என அவர் குறிப்பிட்டுள்ளார். கண்டியில் இன்றைய தினம் நடைபெற்ற நிகழ்வு ஒன்றில் அவர் இதனைக் குறிப்பிட்டுள்ளார்.

கிளிநொச்சியில் மதுவரித்திணைக்களத்தினால் இரண்டு தினங்களில் மேற்கொள்ளப்பட்ட விசேட புலனாய்வு நடவடிக்கையின்போது சுமார் 12 கிலோ கேரளா கஞ்சாவினைக்கைப்பற்றியுள்ளதாக மட்டக்களப்பு-அம்பாறை மாவட்டத்திற்கான மதுவரித்திணைக்கள அத்தியட்சர் நடராஜா சுசாதரன் தெரிவித்தார். வடமாகாணத்திற்கு எதிர்வரும் காலத்தில் ஜனாதிபதி மைத்திரிபால சிறிசேன விஜயம் மேற்கொள்ளவுள்ளதால் வட பகுதியில் போதைப்பொருள் பாவனையினை ஒழிக்கும் வகையில் மதுவரித்திணைக்களத்தின் விசேட புலனாய்வுக்குழு அமைக்கப்பட்டுள்ளது. மதுவரித்திணைக்களத்தின் ஆணையாளரின் ஆலோசனையின் கீழ் மட்டக்களப்பு-அம்பாறை மாவட்டத்திற்கான மதுவரித்திணைக்கள அத்தியட்சர் நடராஜா சுசாதரன் தலைமையில் இந்த குழு அமைக்கப்பட்டு நடவடிக்கைகள் மேற்கொள்ளப்பட்டுவருகின்றன.

தமது வாழ்நாள் பூராகவும் பெற்ற பிள்ளைகளுக்காகவும், குடும்பத்துக்காகவும் உழைத்து மாடாய் தேய்ந்து போன ஒருவர் இறுதியில் யாருமற்ற நிலையில், நடுத்தெருவில் நிற்கும் அவலம் மிகக்கொடுமையானது. இலங்கையில் அண்மைக்காலங்களில் பல பெற்றோர்கள் தான் பெற்ற பிள்ளைகளாலேயே நடுத்தெருவில் கைவிட்டுச் செல்கின்றனர். அந்தவகையில் காலியைச் சேர்ந்த முதியவர் ஒருவர் கடந்த இரண்டு நாட்களாக கொழும்பு விகாரமாதேவி பூங்காவில் உள்ள இருக்கையில் அமர்ந்தவாறு தனது உறவுகள் வருவார்கள் என்ற நம்பிக்கையில் போவோர், வருவோரை பார்த்த வண்ணம் இருந்துள்ளார்.

இலங்கையில் மோட்டார் போக்குவரத்து திணைக்களம் மூலம் இதுவரை 63 இலட்ச வாகனங்கள் பதிவு செய்யப்பட்டுள்ளதாக தெரிவிக்கப்பட்டுள்ளது. அதில் 33 இலட்சம் முச்சக்கர வண்டிகள் பதிவுசெய்யப்பட்டுள்ளதாகவும் சுட்டிக்காட்டப்பட்டுள்ளது. இதன்படி 20 பேருக்கு ஒருவர் என்ற ரீதியில் முச்சக்கர வண்டியை வைத்திருப்பதாக வீதி பாதுகாப்பு தொடர்பான தேசிய சபையின் தலைவர் வைத்தியர் சிசிர கோத்தாகொட தெரிவித்துள்ளார். அரசாங்க தகவல் திணைக்களத்தில் இன்று இடம்பெற்ற ஊடகவியலாளர் சந்திப்பிலேயே அவர் இதனைத் தெரிவித்துள்ளார்.

முன்னாள் ஜனாதிபதி தனது ஆட்சிக்காலத்தில் போர் குற்ற நீதிமன்றம் உள்ளிட்ட விடயங்களை விசாரணை செய்வதற்கு ஐக்கிய நாடுகள் அமைப்பிடம் இணங்கியிருந்தார் என்பதை நிரூபித்தால், நாடாளுமன்ற உறுப்பினர் பதவியை இராஜினாமா செய்வதாக கெஹெலிய ரம்புக்வெல்ல தெரிவித்துள்ளார். 2009 ஆம் ஆண்டு போர் முடிவுக்கு வந்த பின்னர், ஐக்கிய நாடுகள் செயலாளர் நாயகம் பான் கீ மூன் இலங்கைக்கு விஜயம் செய்தார். அவரது விஜயத்தின் போது, வெளியிடப்பட்ட கூட்டு அறிக்கையில், போர் குற்றங்களை விசாரிக்கும் நீதிமன்றம், மனித உரிமை மீறல்களை விசாரிக்கவும் மகிந்த ராஜபக்ச அரசாங்கம் இணங்கியதாக தற்போதைய அரசாங்கம் சுமத்தி வரும் குற்றச்சாட்டை நிராகரிப்பதாகவும் ரம்புக்வெல்ல குறிப்பிட்டுள்ளார்.

இன்றைய தினம் முன்னாள் பாராளுமன்ற உறுப்பினர் துமிந்த சில்வாவுக்கு மரண தண்டனை வழங்கப்பட்டது. எனினும் குறித்த மரணதண்டனை உத்தரவிற்கு எதிராக உயர் நீதிமன்றில் மேன்முறையீடு செய்யவுள்ளதாக தெரிவிக்கப்பட்டுள்ளது. துமிந்த சில்வாவின் சட்டத்தரணி இதனை தெரிவித்துள்ளார். கடந்த மஹிந்த ஆட்சிக் காலத்தில் 2011ஆம் ஆண்டு ஒக்டோபர் மாதம் 8ஆம் திகதி பாரத லக்ஸ்மன் பிரேமச்சந்திர உட்பட நால்வர் மீது துப்பாக்கிப் பிரயோகம் மேற்கொள்ளப்பட்டது. இதில் துமிந்த சில்வா முக்கிய குற்றவாளியாக இனங்காணப்பட்டதுடன், இவருக்கு எதிராக வழக்கு விசாரணைகளும் நடைபெற்று வந்தன. அதன் படி குறித்த வழக்கில் இன்று துமிந்த சில்வாவிற்கு மரண தண்டனை வழங்கப்பட்டிருந்தமை குறிப்பிடத்தக்கது.

புதுடில்லி; ஆந்திர மாநிலத்திற்கு அவர்கள் கேட்ட சிறப்பு அந்தஸ்தை தர முடியாது. ஆனால் அம்மாநில வளர்ச்சி பணிகளுக்காக சிறப்பு நிதி வழங்கப்படும் என மத்திய அரசு தெரிவித்துள்ளது. ஆந்திராவின் பொல்லாவரம் நீர்பாசன திட்டத்திற்கு சிறப்பு நிதி வழங்குவதுடன், வரிச்சலுகையும் அளிக்க மத்திய அரசு ஒப்புதல் தெரிவித்துள்ளது. இது குறித்து மத்திய நிதியமைச்சர் அருண் ஜெட்லி கூறுகையில், ஆந்திர மறுசீரமைப்பு சட்டத்தை கருத்தில் கொண்டு, அந்த சட்டத்தின்படி ஒவ்வொரு தேவையையும் நிறைவேற்ற மத்திய அரசு முடிவு செய்துள்ளது. ஆந்திராவில் பல்வேறு மக்கள் நல திட்டங்களுக்காக சிறப்பு நிதி ஒதுக்கப்படும் என தெரிவித்துள்ளார். கடந்த மாதம் ஆந்திராவிற்காக ரூ.1976 கோடியை மத்திய அரசு ஒதுக்கி இருந்தது குறிப்பிடத்தக்கது. இவற்றில்…

புதுடில்லி: சமீபத்தில் பார்லி.,க்கு 21 செயலாளர்களை நியமித்து டில்லி அரசு அரசாணை பிறப்பித்தது. இந்த அரசாணையை எதிர்த்து டில்லி ஐகோர்ட்டில் வழக்கு தொடரப்பட்டிருந்தது. இந்த வழக்கை இன்று விசாரித்த டில்லி ஐகோர்ட், 21 செயலாளர்களின் நியமனத்தை ரத்து செய்து உத்தரவிட்டுள்ளது. டில்லியில் துணைநிலை ஆளுனருக்கு இருக்கும் அதிகாரத்தை எதிர்த்து டில்லி அரசு சார்பில் சுப்ரீம் கோர்ட்டில் தாக்கல் செய்யப்பட்ட மேல்முறையீட்டு வழக்கில், துணைநிலை ஆளுனருக்கே கூடுதல் அதிகாரம் என தீர்ப்பு கூறப்பட்டது. இந்த சறுக்கலில் இருந்து டில்லி அரசு மீண்டு வருவதற்குள், ஆளும் ஆம்ஆத்மி கட்சியைச் சேர்ந்த அமைச்சர்கள் பலரும் அடுத்தடுத்து சர்ச்சைகளில் சிக்கினர். இதனால் பல விதங்களிலும் டில்லியில் ஆளும் ஆம்ஆத்மி கட்சிக்கு பெரும்…