தலையங்கம்

கடந்தவாரம் எமதுகதிரோட்டம் உலகெங்கும் பரந்துவாழும் ஆயிரக்கணக்கான தமிழ் மக்களைச் சென்றடைந்தது என்பதற்குச் சான்றாக பல கருத்துப் பரிமாற்றங்கள் இடம்பெற்றன. இவற்றை நாம் எமக்குக் கிடைத்த பாராட்டுக்களாக நாம் பார்க்கவில்லை. மாறாக ஒரு சமூகக்கடமையின் ஆரம்பப் புள்ளியில் நிற்கின்றோம் என்பது மட்டும் எமக்குத் தெளிவாகத் தெரிகின்றது. மிகவும் முக்கியத்துவம் வாய்ந்தஒரு தர்ம கைங்கரியத்தில் அவ்வாறான சிந்தனை உள்ளவர்கள் இணைந்து செயற்பட வேண்டும் என்பதே எமது வேண்டுகோள் ஆகும். கடந்த வாரத்தின் எமது கதிரோட்டத்தின் தலைப்பு “தனிநபர்களிடம் தங்கியுள்ளநிதிதாயகம் நோக்கிவிரியவேண்டும்”என்பதே. இந்தஆசிரிய தலையங்கத்தைப் படித்துவிட்டு பலர் மௌனமாகவே உள்ளார்கள். சிலர் நினைக்கலாம் “இது மிகவும் கடினமான வேலை”என்று. இன்னும் ஒருசாரார் நினைக்கலாம் “இது எமக்கு வேண்டாத வேலை” என்று….

எமது மண்ணின் விடுதலைக்காக தமது கைகளில் ஆயதங்களை ஏந்தி நின்ற தமிழீழ விடுதலைப் புலிகள் இயக்கத்தின் வளர்ச்சிக்காகவும் அதன் இராணுவக் கட்டமைப்பின் அபிவிருத்திக்காகவும் பலத்திற்காகவும் இன்னும் சாதாரணமாகச் குறிப்பிடுவதானால் தலைவர் பிரபாகரன் அவர்களின் எண்ணத்தின் படி போராளிகள் நல்ல சத்தான உணவுகளை உண்டு சுகதேகிகளாகவும் போராடக் கூடிய வலிமை பெற்றவர்களாகவும் இருப்பதற்காகவும், இன்னும் பல நிர்வாகத் தேவைகள் புலனாய்வுத் தேவைகள் ஆகியவற்றுக்காகவும், விடுதலை சார்ந்த கலை இலக்கியத் படைப்புக்களின் பரவலாக்கல் முயற்சிகளுக்கும் இயக்கத்தின் பிரச்சார திட்டங்களுக்கும், இராணுவத்தினரோடு போரிடுகின்றபோது காயமடைகின்ற அல்லது ஊனமடைகின்ற போராளிகளி;ன் நலன்களுக்காகவும் பல ஆண்டுகளாக வெளிநாடுகளில் சேகரிக்கபபட்ட பாரிய நிதி 2009 ஆண்டுக்கு பின்னர் பலரால் முடக்கப்பட்டுள்ளது. இந்த விடயம் உலகெங்கும்…

பேயுலாவும் மண்ணில் பொழுதெப்போவிடியும் என்ற தலைப்பில் சுமார் பதினைந்து வருடங்களுக்கு முன்னர் இதே கதிரோட்டப் பக்கத்தில் வாராந்த ஆசிரிய தலையங்கத்தை நாம் வடித்தது இப்போது ஞாபகத்திற்கு வருகின்றது. தமிழ் மக்களின் பிரச்சனைகளை தீர்த்து வையுங்கள். அவர்களின் இருப்பை உறுதி செய்யும் பொறுப்பை அவர்களிடமே ஒப்படையுங்கள் என்று விடுதலைப் புலிகளின் தலைமை சமாதானத் தூதுவர்கள் மூலம் அப்போது ஆட்சியில் அமர்ந்திருந்த சிங்கள ஆட்சியாளர்களிடம் கேட்டபோது அவர்கள் மறுத்துவிட்டார்கள். “நீங்கள் சமாதானத்திற்கு வராவிட்டால் நாங்கள் யுத்தம் செய்து உங்களை அழித்து விடுவோம்” என்றுகர்ச்சித்தது சிங்கள ஆட்சி மன்றம். ஆமாம்! அப்போதும் அவர்கள் யுத்த வெறியர்களாகவே இருந்தார்கள். தங்கள் சொந்த மக்கள் தங்கள் நிலங்களில் சுய உரிமை பெற்றவர்களாக வாழ…

இலங்கையில் வடக்கு கிழக்கு மாகாணங்கள், இந்தியஅரசின் ஆலோசனையின் படிமுன்னாள் ஜனாதிபதி ஜே. ஆர். ஜயவர்த்தனாவின் ஆட்சியில் இணைக்கப்பட்டு ஒரே மாகாண சபை  நிறுவப்பட்டது. ஆனால் அந்த நிர்வாகம் வெற்றியளிக்காத ஒன்றாகவே நகர்ந்து சென்று, பின்னர் மகிந்த ராஜபக்சாவின் ஆட்சிக் காலத்தில் வடக்குமாகாண சபை என்ற இணைப்பு நீக்கப்பட்டு. தனித்தனியான மாகாண சபைகள் தோற்றுவிக்கப்பட்டன. மேற்படி தனியான வடக்கு மாகாண சபை, கிழக்கு மாகாண சபை ஆகியவற்றில் முதல் தேர்தலைச் சந்தித்தது கிழக்கு மாகாணசபையே. மேற்படித் தேர்தலில் முஸ்லிம் காங்கிரஸ் அதிக ஆசனங்களையும் இரண்டாவது எண்ணிகையை தமிழ்த் தேசிய கூட்டமைப்பும் பெற்றன. மேற்படி கிழக்கு மாகாணசபையின் முதல்வராக தேர்ந்தெடுக்கப்பட்ட செய்னுலாப்தீன் அஹமட் ஒரு  செயற்திறன் மிக்க நிர்வாகியாக…

அமெரிக்காவில் ஓபாமா என்னும் அரசியல் தலைவனுக்குஅடுத்ததாக கிளாரி கிளிண்டன் ஜனாதிபதியாக வருவார் என்று உலகம் எதிர்பார்த்திருந்தது என்பதற்கு மேலாக, உலக மக்கள் அவரைபுதிய ஜனாதிபதியாக வரவேற்பதற்கு காத்திருந்தார்கள் என்பதே யதார்த்தம். கிளாரி அமெரிக்காவின் ஜனாதிபதியாக தேர்ந்தெடுக்கப்பட்டிருந்தால், இந்தியாவிற்கு இந்திரா காந்தி அம்மையார் பிரதமராக கிடைத்த மகிழ்ச்சி எங்களுக்கு இருந்திருக்கும் என்று பல இந்தியப் பெண்மணிகள் ஊடகங்களுக்கு வழங்கிய கருத்துப் பரிமாற்றத்தை நாம் செவி மடுத்திருந்தோம். ஆனால் யாருமே விரும்பாத ட்ரம்ப் அமெரிக்காவின் ஜனாதிபதியாக கபடம் மறறும் சூழ்ச்சிகளால் கொண்டு வரப்பட்டுள்ளார். அவர் அமெரிக்காவின் ஜனாதிபதியாக பதவியேற்றபின்னர் எடுத்த பல முட்டாள்தனமான அரசியல் நடவடிக்கைகள், அமெரிக்காவில் இலட்சக் கணக்கான மக்களை ஆவேசத்துடன் பேசவைத்திருக்கின்றது. முன்னாள் ஜனாதிபதி ஓபாமா…

இலங்கையில் தமிழர் தாயகம் என்று அழைக்கப்படும் வடக்கு மண்ணில் இயங்கிவரும் வடக்கு மாகாணசபையின் முதலமைச்சர் மதிப்பிற்குரிய திரு.விக்னேஸ்வரன், ஒரு ஓய்வுபெற்ற நீதிபதி. கொழும்புத் தலைநகரில் பல ஆண்டு காலமாக சைவத்தையும் தமிழ் மொழியையும் காத்துவரும் இந்து மாமன்றம் மற்றும் அது போன்றபல அமைப்புக்களின் காப்பாளராகவும் பணியாற்றி இடைவிடாத் தமிழ்த் தொண்டாற்றி வருகின்றார் அந்தப் பெருமகனார். இவ்வாறான ஒரு உயர்ந்தவரை “அடித்துவிரட்டுங்கள்” என்று காட்டுமிராண்டித் தனமான கூச்சலை எழுப்பியுள்ளான், தற்போதைய ஜனாதிபதி மைத்திரி பால சிறிசேனாவின் அமைச்சரவையில் அங்கம் வகிக்கும் ஒருவன். அவன் பெயர் தயாஸ்ரீ ஜயசேகர. மற்றவர்களுக்கு மரியாதை செய்வது எவ்வாறு என்று அறியாத இந்த அமைச்சன், எமது முதலமைச்சர் பேசுகின்ற விடயங்கள் அல்லது அவர்…

இலங்கையில் தற்போதைய ஜனாபதி மைத்திரி பால சிறிசேனாவின் அரசாங்கம், ஐக்கிய தேசியக் கட்சியை இணைக் கட்சியாக வைத்துக்கொண்டு ஆட்சியை நடத்துகின்றது. இந்த அரசின் மீதான விமர்சனங்கள் வெளிநாடுகளிலும் உள்நாட்டிலும் முன்வைக்கப்பட்டபோது, அண்மையில் ஒரு கருத்துக் கணிப்பு நடத்தப்பட்டுள்ளது. தற்போதைய மைத்திரியின் ஆட்சிக்கு ரணில் என்னும் பிரதமர் எந்தளவிற்கு பலமாக உள்ளார்? ஐக்கிய தேசியக் கட்சியின் செல்வாக்கு மக்கள் மத்தியில் எந்தளவிற்கு உள்ளது? போன்ற தலைப்புக்களில் கருத்துக் கணிப்பை நடத்தியது ஒரு சிங்கள இணைய ஊடகம். இந்த கருத்துக் கணிப்பின்படி பிரதமர் ரணிலுக்கு ஐக்கிய தேசியக் கட்சிக்கு உள்ள செல்வாக்கு போன்றவை குறைவாகவே காணப்படுகின்றது என்றும் ரணிலின் அரசியல் தலைமைத்துவம் மங்குகின்றது என்றும் தெரிவிக்கப்பட்டுள்ளதாக கொழும்பிலிருந்து கிடைத்த…

இலங்கையில் மைத்திரி பால சிறிசேனாவின் அரசாங்கத்திற்கு எமது தமிழ்த் தேசிய கூட்டமைப்பு வழங்கிய நிபந்தனைகள் அற்ற ஆதரவின் பலா பலன்களை எமது சமூகம் சாதகமற்ற விதமாகவே அனுபவித்துள்ளது. இந்த விடயத்தை சாதாரண அரசியல் பார்வையற்ற தமிழ் மக்கள் கூட புரிந்துகொள்வார்கள். இவ்வாறு இருந்தும் தமிழர் தரப்பு தொடர்ச்சியான போராட்டங்களை ஜனநாயக வழிகளில் தொடர்ந்தும் நடத்தி வருகின்றது. உதாரணமாக நாளை சனிக்கிழமை மட்டக்களப்பில் நடைபெறவுள்ள “எழுகதமிழ்” எழுச்சி  நிகழ்விற்கு கூட தமிழ்த்தேசிய கூட்டமைப்பின் சில பாராளுமன்ற உறுப்பினர்களே தங்கள் ஆதரவை வழங்கியுள்ளார்கள். இது இவ்வாறிருக்க, அண்மையில் கனடாவிற்கு வருகைதந்த முதலமைச்சர் நீதியரசர்  விக்னேஸ்வரன் அவர்கள் கூட “எழுகதமிழ்” எழுச்சி நிகழ்வுக்கு தொடர்ச்சியான தனது ஆதரவை வழங்கிய வண்ணம்…

மகிந்தா ராஜபக்சா என்னும் கொடுங்கோல் தாங்கிய பொய்யன் ஜனாதிபதியாக ஆட்சி செலுத்திய காலத்தில் இலங்கையில் பல அனர்த்தங்கள் இடம்பெற்றன. இனவாத விதையைத் தூவி சிங்கள மக்களை ஏமாற்றிய வண்ணம் தென்னிலங்கையில் பல வளங்களைச் சூறையாடிய அவர் வடக்கிலும் தெற்கிலும் இடம்பெற்றதை காரணம் காட்டி கோடிக்கணக்கான ரூபாய்களை ஆயுதக் கொள்வனவு மூலம் கொள்ளையடித்து நாட்டை படுகுழிக்குள் தள்ளினார்.போரின் வெற்றியை ஒரு ஏமாற்றும் கருவியாக பாவித்த வண்ணம் யுத்திதில் காயமடைந்த இராணுவத்தினரின் குடும்பங்களுக்கு வழங்கப்படவிருந்த நிதியையே மோசடி செய்து தனதும் தனது குடும்பம் சார்ந்த உறவினர்கள் நண்பர்கள் ஆகியோரை செல்வந்தர்களாக ஆக்கி அழகுபார்த்தார். பின்னர் இலங்கையில் ஒரு பொற்காலம் திறந்து கொண்டு வெளியில் வந்து, மகிந்தாவை வீட்டுக்கு அனுப்பிவிட்டு,…

கிளிநொச்சி மற்றும் முல்லைத்தீவு பிரதேசங்களிலும் யாழ்ப்பாணம் போன்ற ஏனைய பகுதிகளிலும் அங்கங்களை இழந்தும் ,உடலெங்கும் “செல்” உலோகத் துண்டுகளைத் தாங்கிய வண்ணமும் வாழ்ந்துவரும் முன்னாள் போராளிகளும் அவர்கள் குடும்ப உறுப்பினர்களும், தங்கள் வாழ்க்கையை நகர்த்த முடியாமல் துயரங்களோடு வாழ்ந்து வருவதாக அங்கிருந்து கிடைக்கும் செய்திகள் தெரிவிக்கின்றன. அண்மையில் புனர்வாழ்வளிக்கப்பட்ட முன்னாள் போராளிகள் சிலர் “லங்காஸ்ரீ” செய்தியாளருக்கு அளித்த பேட்டியில் மிகவும் உருக்கமாக பல விடங்களை பகிர்ந்துள்ளார்கள். மேற்படி பேட்டியில் அவர்கள் தெரிவித்துள்ள விபரங்கள் புலம்பெயர்ந்து வாழும் தமிழ் உறவிகளுக்கு மிகவும் அதிர்ச்சியைக் கொடுத்திருக்கும் என்றே நம்புகின்றோம். வெளிநாடுகளில் இருந்து எமது உறவுகள் தாயகத்தில் துன்பத்தில் வாடும் முன்னாள் போராளிகளின் வாழ்க்கையை மேம்படுத்துங்கள் என்ற எண்ணத்தோடு அனுப்பிவைக்கும்…