Author: netultim2

காவிரியில் இருந்து கர்நாடக அரசு தண்ணீர் திறந்து விட மத்திய அரசு உரிய நடவடிக்கை எடுக்க வேண்டும் என்பதை வலியுறுத்தி, அனைத்து விவசாயிகள் சங்கங்களும், வரும் ஜனவரி 28-ம் தேதி நடத்தும் ரயில் மறியல் போராட்டத்துக்கு மதிமுக ஆதரவு தெரிவிப்பதாக அக்கட்சியின் பொதுச் செயலாளர் வைகோ அறிவித்துள்ளார். மேலும், தஞ்சாவூரில் நடைபெறவுள்ள போராட்டத்தில் தான் பங்கேற்கவிருப்பதாகவும் அவர் கூறியுள்ளார். இது தொடர்பாக அவர் இன்று (புதன்கிழமை) வெளியிட்ட அறிக்கையில், “காவிரி டெல்டா மாவட்டங்களில் பாசனத்திற்காக, மேட்டூர் அணையில் இருந்து மூன்று மாதங்கள் தாமதத்திற்குப் பிறகுதான் தண்ணீர் திறந்து விடப்பட்டது. எனவே, சாகுபடிப் பணிகளையும் தாமதமாகத் தொடங்க வேண்டிய நிலைக்கு விவசாயிகள் தள்ளப்பட்டனர். பத்து இலட்சம் ஏக்கரில்…

நடிகர் ரஜினிகாந்த் கடந்த மாதம் இறுதியில் அரசியலுக்கு வரப்போவதாக அறிவித்து உறுப்பினர்கள் சேர்க்கும் பணியை தொடங்கி வைத்துள்ளார். கட்சி பெயரை அறிவிக்காமல் ரஜினிகாந்த் மக்கள் மன்றம் என்ற அமைப்பை தொடங்கி அதன் பெயரிலேயே உறுப்பினர்கள் சேர்க்கப்பட்டு வருகிறார்கள். இதனால் கட்சியை எப்போது அறிவிப்பார் என்று ரசிகர்கள் மற்றும் அரசியல் கட்சியினர் மத்தியில் பரபரப்பான எதிர்பார்ப்பு நிலவுகிறது. உள்ளாட்சி மற்றும் பாராளுமன்ற தேர்தல்களில் போட்டி இல்லை என்று ரஜினிகாந்த் அறிவித்து விட்டார். இதனால் கட்சி பெயரை அறிவிப்பதில் அவர் தாமதம் செய்வதாக கூறப்படுகிறது. 2 கோடி உறுப்பினர்கள் தனிக்கட்சி தொடங்குவதற்கு முன்பு 2 கோடி உறுப்பினர்களை சேர்த்து அடித்தளத்தை வலுவாக்குவது ரஜினிகாந்தின் திட்டமாக உள்ளது என்று நெருக்கமானவர்கள்…

சென்னை : ”தமிழகத்தில், 2001 முதல் அனைத்து துறைகளும், டிஜிட்டல் மயமாக்கப்பட்டுள்ளன.நடிகர் கமலுக்கு, வரலாறு தெரியவில்லை என்றால், என்னிடம் போனில் கேட்டு தெரிந்து கொள்ளலாம்,” என,மீன்வளத்துறைஅமைச்சர் ஜெயகுமார் கூறினார். சமூகநலத்துறை சார்பில், சென்னை, தி.நகரில், கர்ப்பிணி பெண்களுக்கு வளைகாப்பு நிகழ்ச்சி, நேற்று நடந்தது.இதில், சென்னையில் உள்ள பல்வேறு அங்கன்வாடி மையங்களில் பதிவு செய்த, 500 கர்ப்பிணி பெண்களுக்கு,ஜாதி மத பேதமின்றி, ஒன்றாக வளைகாப்பு நடத்தப்பட்டது. இதில் பங்கேற்ற கர்ப்பிணி பெண்களுக்கு அறுசுவை உணவும், சீர்வரிசைப் பொருட்கள் அடங்கிய பைகளும் வழங்கப்பட்டன. இந்த நிகழ்ச்சியில்,மீன்வளத்துறை அமைச்சர், ஜெயகுமார், சமூகநலத்துறை அமைச்சர், சரோஜா, கலெக்டர், அன்புசெல்வன்ஆகியோர் பங்கேற்றனர். நிகழ்ச்சிக்குப் பின், அமைச்சர் ஜெயகுமார் கூறியதாவது:தமிழகத்தில், வெளிப்படையான அரசு நடந்து…

ரஜினி, கமல் புதிய கட்சி தொடங்குவதால், உள்ளாட்சி தேர்தலில் தங்களுக்கு பாதிப்பு ஏற்படாது டிடிவி. தினகரன் எம்.எல்.ஏ தெரிவித்துள்ளார். ஆர்.கே.நகர் வாக்காளர்களுக்கு நன்றி தெரிவிக்கும் போது தினகரன் செய்தியார்களிடம் கூறியதாவது: பேருந்து கட்டணத்தை அரசு திரும்பப்பெற வேண்டும் என்பதுதான் மக்களின் எண்ணம், அரசு அதனை நிறைவேற்ற வேண்டும். அதிமுக அம்மா அணி என்ற பெயரில் செயல்பட நீதிமன்றத்தில் மனு தாக்கல் செய்துள்ளோம். ரஜினி, கமல் புதிய கட்சி தொடங்குவதால், உள்ளாட்சி தேர்தலில் தங்களுக்கு பாதிப்பு ஏற்படாது. எந்த தேர்தல் வந்தாலும் வெற்றி பெறுவோம். இவ்வாறு அவர் பேசினார்.

கடந்த 2008-ம் ஆண்டு குஜராத்தி்ல் நடந்த தொடர் குண்டு வெடிப்பு சம்பவத்தில் 56 பேர் பலியாயினர். பலர் காயமடைந்தனர். இதற்கு சதி திட்டம் தீட்டியவனும் வெடிகுண்டு தயாரிப்பதில் நிபுணத்துவம் பெற்ற மென்பொறியாளர் அப்துல் சப்ஹான் குரோஷி ,இவரை தேசிய புலனாய்வு ஏஜென்சியினர் வழக்குப்பதிவு செய்து தேடி வந்தனர். இந்நிலையில் டில்லி காஸிப்பூரில் பதுங்கியிருந்ததையறிந்த போலீசார் அந்த இடத்தை சுற்றி வளைத்தனர். இதில் நடந்த பயங்கர துப்பாக்கி சண்டையில் குரோஹி கைது செய்யப்பட்டார். அவரிடமிருந்து துப்பாக்கிகள், தடை செய்யப்பட்ட பயங்கரவாத அமைப்பான சிமி, இந்தியான் முஜாகிதீன் ஆகியவற்றுடன் தொடர்பு வைத்திருந்ததற்கான ஆவணங்கள் சிக்கின. கைதான குரோஷியை கோர்ட்டில் ஆஜர்படுத்தினர். அவரை 14 நாள் காவலில் வைக்க நீதிபதி…