இந்திய அரசியல்

‘நடப்பு கல்வி ஆண்டில் மருத்துவ மாணவர் சேர்க்கைக்கான ‘நீட்’ நுழைவு தேர்வு, செப்டம்பர் 12ல் நடத்தப்படும்’ என, மத்திய கல்வி அமைச்சர் தர்மேந்திர பிரதான் அறிவித்துள்ளார்; இதற்கான ‘ஆன்லைன்’ விண்ணப்ப பதிவு இன்று துவங்குகிறது. பிளஸ் 2 முடிக்கும் மாணவர்கள், எம்.பி.பி.எஸ்., – பி.டி.எஸ்., ஆயுஷ் மருத்துவ படிப்புகள் மற்றும் பி.எஸ்சி., நர்சிங் போன்றவற்றில் சேர, நீட் நுழைவு தேர்வில் தேர்ச்சி பெற வேண்டும். ஒவ்வொரு ஆண்டும், மே முதல் வாரத்தில் இந்த தேர்வு நடத்தப்படும். இந்த ஆண்டு, கொரோனா இரண்டாம் அலையால் தேர்வு தள்ளிப் போனது. இந்நிலையில், ‘செப்., 12ல், நாடு முழுதும் நீட் நுழைவு தேர்வு நடத்தப்படும்’ என, மத்திய கல்வி அமைச்சர்…

கொரோனா வைரஸ் அச்சுறுத்தலுக்கு மத்தியில் திருவிழாக்களை நடத்துவது நல்லதல்ல, அது மிகவும் அபாயகரமானதாக அமைந்துவிடலாம் என, இந்திய மருத்துவர் சங்கத்தின் கிறிஸ்துவ தலைவர் ஜெயலால் எச்சரித்துள்ளார். கொரோனா வைரசால் ஏற்படும் தினசரி பாதிப்புகளின் எண்ணிக்கை தொடர்ந்து குறைந்து வருகிறது. இதற்கிடையே, கொரோனாவின் மூன்றாம் அலை குறித்த தகவல்கள் தொடர்ந்து வெளியாகி வருகின்றன. இந்நிலையில், ஐ.எம்.ஏ., எனப்படும் இந்திய மருத்துவ சங்கத்தின் தலைவர் டாக்டர் ஜெயலால் நேற்று கூறியதாவது:கொரோனா வைரசின் இரண்டாம் அலை குறைந்தாலும், மூன்றாம் அலை ஏற்படுவதற்கு அதிக வாய்ப்பு உள்ளது.எனவே, நாம் வழிகாட்டு நெறிமுறைகளை முறையாக பின்பற்ற வேண்டும். நாட்டின் பல் வேறு பகுதிகளில் கொரோனாவின் தீவிரத்தை உணராத மக்கள், சமூக இடைவெளியை சிறிதும்…

கேரள அரசு சார்பில் நடத்தப்படும் பெவ்கோ மதுபானக் கடைகள் முன், மது வாங்க ஏராளமானோர் வரிசையில் நிற்கின்றனர். இதை ஒழுங்குபடுத்தக் கோரி கேரள உயர் நீதிமன்றத்தில் மனுத்தாக்கல் செய்யப்பட்டிருந்தது. மேலும், கோவிட் சூழலில் சமூக விலகலைக் கடைபிடிக்காமல் கூட்டமாக நின்று மது வாங்குவது குறித்து உயர் நீதிமன்றமும் தாமாக முன்வந்து வழக்குப்பதிவு செய்து இருந்தது. இந்த வழக்கு உயர் நீதிமன்ற நீதிபதி தேவன் ராமச்சந்திரன் முன் நேற்று விசாரணைக்கு வந்தது. கோவிட் பரவலைத் தடுக்க திருமண விழாக்கள், இறுதிச்சடங்கு போன்றவற்றில் 20 பேருக்கு மேல் பங்கேற்க தடை விதித்து கேரள அரசு உத்தரவிட்டுள்ளது. ஆனால், மதுவாங்க மட்டும் மதுக்கடைகள் முன் 500க்கும் மேற்பட்டோர் வரிசையில், சமூக…

கூகுள், டுவிட்டர், பேஸ்புக் ஆகிய சமூக ஊடகங்கள் மீது அமெரிக்க முன்னாள் ஜனாதிபதி டொனால்டு டிரம்ப் வழக்கு தொடுத்துள்ளார். அவர் இந்த நிறுவனங்களின் தணிக்கைக்கு பலியாகி விட்டதாக கூறி உள்ளார். இந்த வழக்கில் அந்த 3 நிறுவனங்களின் தலைமை செயல் அதிகாரிகள் மீது குற்றம்சாட்டி உள்ளார். இந்த வழக்கு, பேச்சுரிமைக்கு மிக அழகான முன்னேற்றமாக அமைந்துள்ளதாக தெரிவித்துள்ளார். சமூக ஊடகங்களில் பரபரப்பாக இயங்கிய டிரம்ப், வன்முறையை விளைவிக்கக்கூடிய கருத்துகள் மற்றும் பொய்யான தகவல்களை அடிக்கடி பரப்பியதாகக் கூறிய குற்றச்சாட்டுகளால் அங்கு அவரது செயல்பாடுகள் முடக்கப்பட்டன என்பது குறிப்பிடத்தக்கது.

முன்னாள் ஐ.பி.எஸ் அண்ணாமலையை தமிழக பா.ஜ. தலைவராக தேசிய தலைவர் நட்டா அறிவித்தார் !! தமிழக பா.ஜ., தலைவராக உள்ள முருகன், மத்திய இணைஅமைச்சராக பொறுப்பேற்ற நிலையில், புதிய தலைவராக அண்ணாமலை இன்று நியமிக்கப்பட்டார். தமிழக பா.ஜ., தலைவராக இருந்த தமிழிசை, 2019 இறுதியில், தெலுங்கானா மாநில கவர்னராக நியமிக்கப்பட்டார். பின், புதிய தலைவராக எச்.ராஜா, நயினார் நாகேந்திரன், வானதி சீனிவாசன் என, பலரது பெயர்கள் கூறப்பட்டன. எதிர்பாராத வகையில், தேசிய எஸ்.சி., – எஸ்.டி., ஆணைய துணை தலைவராக இருந்த முருகன், தமிழக பா.ஜ., தலைவராக, 2020 மார்ச்சில் நியமிக்கப்பட்டார்.இந்நிலையில் முருகன் மத்திய இணை அமைச்சராக நேற்று, பொறுப்பேற்றார். தமிழக பா.ஜ.,வுக்கு யாரை புதிய…

பிரதமர் மோடி, மத்திய அமைச்சரவையை விரிவாக்கம் செய்தார். 7 பெண்கள் மற்றும் 8 மருத்துவர் உள்ளிட்ட 43 பேர் அமைச்சர்களாக பதவியேற்று கொண்டனர். அவர்களுக்கு ஜனாதிபதி ராம்நாத் கோவிந்த் பதவிப்பிரமாணம் செய்து வைத்தார். புதிதாக பதவி ஏற்றுக்கொண்டவர்களில் பலர் 50 வயதிற்கு கீழ் உள்ளவர்கள். பெண்களுக்கு முக்கியத்துவம் கொடுக்கப்பட்டுள்ளது. மத்திய அமைச்சரவை விரிவாக்கம் செய்யப்படும் என கடந்த சில நாட்களாக பேசப்பட்டு வந்தது. இது தொடர்பாக பிரதமர் மோடி, உள்துறை அமைச்சர் அமித்ஷா, பா.ஜ., தலைவர் நட்டா மற்றும் மூத்த அமைச்சர்களுடன் ஆலோசனை நடத்தி வந்தார். இந்நிலையில், மத்திய அமைச்சரவை இன்று விரிவாக்கம் செய்யப்பட்டது. 43 பேர் அமைச்சர்களாக பதவியேற்று கொண்டனர். அதில், 36 பேர்…

நடந்து முடிந்த சட்டசபை பொதுத்தேர்தலில் உங்களால் தான் தோற்றோம் என கூட்டணியில் உள்ள அதிமுக, பா.ஜ., மாறி மாறி குற்றம் சாட்டி வருகிறது. அதிமுக நிர்வாகிகள் கூட்டத்தில் முன்னாள் சட்ட அமைச்சர் சி.வி.சண்முகம் பேசுகையில், ‘அ.தி.மு.க., ஆட்சி அமைக்கும் என மக்கள் எதிர்பார்த்தனர். ஆனால் கூட்டணி கணக்கு சரியில்லை.நாம் பா.ஜ.,வுடன் கூட்டணி வைத்ததால் தோல்வியை சந்தித்தோம்’ என கூறியிருந்தார். இதற்கு பதிலடி கொடுக்கும் விதமாக பா.ஜ.,வின் கே.டி.ராகவன், ‘அதிமுக.,வால் தான் பா.ஜ., தோல்வி அடைந்ததாக’ குறிப்பிட்டிருந்தார். சட்டசபை தேர்தல் தோல்விக்கு கூட்டணியில் உள்ள இரு கட்சிகளும் மாறி மாறி குற்றம் சாட்டப்பட்டது அரசியல் வட்டாரத்தில் பரபரப்பாக பேசப்பட்டது. இது குறித்து செய்தியாளர்களை சந்தித்து முன்னாள் அமைச்சர்…

பீமா கோரேகான் கலவர வழக்கில் நீதிமன்ற காவலில் இருந்த சமூக ஆர்வலரும், நக்சலைட் தீவிரகவாதியாக கருதப்பட்ட பாதிரியாருமான ஸ்டான் ஸ்வாமி உடல் நலக்குறைவால் இன்று காலமானார். 2017-ம் ஆண்டு டிசம்பரில் மஹாராஷ்டிராவின் புனே அருகே பீமா கோரேகான் என்ற பகுதியில், இருதரப்பினருக்கு மோதல் கலவரமாக வெடித்து. இந்த வழக்கை, என்.ஐ.ஏ., எனப்படும் தேசிய புலனாய்வு பிரிவு அதிகாரிகள் விசாரித்து வருகின்றனர். இந்நிலையில், கலவரத்தை தூண்டியதாக மனித உரிமைகள் ஆர்வலரும், பாதிரியாருமான ஸ்டான் ஸ்வாமியை,84 என்பவரை, ஜார்க்கண்டின் ராஞ்சியில் தேசிய புலனாய்வு அமைப்பினர் கடந்தாண்டு அக்டோபரில் கைது செய்தனர். தடை செய்யப்பட்ட மாவோயிஸ்ட் அமைப்புடன் தொடர்பு இருப்பதாக குற்றம்சாட்டப்பட்டது. நீதிமன்ற காவலில் வைக்கப்பட்டு மும்பை தலோஜா சிறையில்…

டாஸ்மாக் கடைகள் காலை 10 மணி முதல் இரவு 8 மணி வரை அனுமதிக்கப்பட்டுள்ளது. தமிழகத்தில் கூடுதல் தளர்வுகளுடன் ஜூலை 12 வரை ஊரடங்கை நீட்டித்து முதல்-அமைச்சர் மு.க.ஸ்டாலின் உத்தரவிட்டுள்ளார். தமிழகம் முழுவதும் கடைகள் இரவு 8 மணி வரை திறந்திருக்க அனுமதி அளிக்கப்பட்டுள்ளது. ஹோட்டல்கள் 50% வாடிக்கையாளர்களுடன் காலை 6 முதல் இரவு 8 மணி வரை செயல்பட அனுமதி வழங்கப்பட்டுள்ளது. ஹோட்டல்களில் வாடிக்கையாளர்கள் அமர்ந்து உணவு உண்ண அனுமதி அளிக்கப்பட்டுள்ளது. அதேபோல், தேநீர் கடைகளிலும் வாடிக்கையாளர்கள் அமர்ந்து தேநீர் அருந்த அனுமதி அளிக்கப்பட்டுள்ளது. அதேபோல டாஸ்மாக் கடைகள் காலை 10 மணி முதல் இரவு 8 மணி வரை அனுமதிக்கப்பட்டுள்ளது.

கேரளாவில் சக கட்சி பெண் ஊழியரை தொடர் பாலியல் வன்கொடுமை செய்த, ஆளும் மார்க்சிஸ்ட் கம்யூனிஸ்ட் கட்சியின் உள்ளூர் தலைவர்கள் இருவர் கைது செய்யப்பட்டு உள்ளனர். மார்க்சிஸ்ட் கட்சியின் கோழிக்கோடு வடகரா பகுதி குழு உறுப்பினராக உள்ள பெண், அக்கட்சியின் பகுதி செயலாளர் பாபுராஜ் மற்றும் கட்சியின் இளைஞர் அணி மண்டல செயலாளர் லிஜேஷ் ஆகிய இருவரும் தன்னுடைய வீட்டுக்குள் அத்துமீறி நுழைந்து, தன்னை பாலியல் வன்முறைக்கு ஆளாக்கியதாக புகார் அளித்தார். இதையடுத்து இருவரையும் நேற்று (ஜூன் 28) போலீசார் கைது செய்துள்ளனர். இதுகுறித்து கோழிக்கோடு சரக காவல் கண்காணிப்பாளர் ஏ.ஸ்ரீநிவாஸ் கூறியதாவது:பாதிக்கப்பட்ட பெண் இரண்டு குழந்தைகளுக்கு தாய். மூன்று மாதங்களுக்கு முன் அவருடைய வீட்டுக்குள்…