இலங்கை

இன்றைய சூழலில் தமிழீழ விடுதலை புலிகளை உருவாக்கவேண்டும் என்பதே எங்களுடைய முக்கிய நோக்கம் என இலங்கையின் சிறுவர் விவகார இராஜாங்க அமைச்சர் விஜயகலா மகேஸ்வரன் சர்ச்சையான கருத்தை தெரிவித்துள்ளார். யாழ்ப்பாணத்தில் இன்று இடம்பெற்ற ஐனாதிபதியின் மக்கள் சேவையின் எட்டாவது தேசிய நிகழ்ச்சித் திட்ட ஆரம்ப நிகழ்வில் கலந்துகொண்டு உரையாற்றும் போது அவர் இந்த சர்ச்சை கருத்தை தெரிவித்துள்ளார். இந்நிகழ்வில் மத்திய அமைச்சர்களும் கலந்து கொண்டனர். அவர் மேலும் தெரிவிக்கையில், “நாங்கள் நிம்மதியாக வாழவும், நாங்கள் நிம்மதியாக வீதியில் நடக்கவும், எங்களுடைய பிள்ளைகள் பாடசாலைக்கு சென்று மீண்டும் வீடு திரும்ப வேண்டுமாகவும் இருந்தால் வடக்கு கிழக்கில் தமிழீழ விடுதலைப்புலிகளின் கை ஓங்கவேண்டும்.” என்று தெரிவித்தார். “அண்மையில் யாழில்…

“உலகின் வல்லரசு நாடுகள் நடத்திய கூட்டுச் சதியினாலேயே தமிழ் மக்களின் உரிமைக்காக நியாயமானதும், நீதியானதுமான தீவிர ஆயுதப் போராட்டத்தை முன்னெடுத்த விடுதலைப் புலிகளின் போராட்டம் முடிவுக்கு கொண்டுவரப்பட்டது,” என நாட்டின் எதிர் கட்சித் தலைவரும், தமிழ் தேசியக் கூட்டமைப்பின் தலைவருமான இரா.சம்மந்தன் தெரிவித்தார். இந்தியா, அமெரிக்கா, ஜரோப்பிய ஒன்றியம், ஐக்கிய ராஜ்ஜியம், கனடா, ஆஸ்திரேலியா ஆகிய நாடுகளே இக்கூட்டுச் சதியில் ஈடுபட்டதாக சம்மந்தன் கூறியுள்ளார். தேசிய இனப் பிரச்சினைக்கான தீர்வினை முன்வைப்பதாக இலங்கை அரசு, அவ்வல்லரசு நாடுகளுடன் செய்து கொண்ட ஒப்பந்தத்தின் அடிப்படையினாலேயே ஆயுதப் போராட்டம் முடிவுக்கு கொண்டுவரப்பட்டது என்றும் அவர் தகவல் வெளியிட்டார். யாழ்.வீரசிங்கம் மண்டபத்தில் வடமாகாண முதலமைச்சர் க.வி.விக்னேஸ்வரன் ஆற்றிய உரையின் தொகுப்பில்…

ராமேசுவரம் அருகே கடற்கரையில் புதைத்து வைக்கப்பட்டு இருந்த ஆயுத குவியல் சிக்கியது. பெட்டி, பெட்டியாக துப்பாக்கி தோட்டாக்கள், கண்ணிவெடிகள், கையெறி குண்டுகள் கைப்பற்றப்பட்டன. பெரும் பரபரப்பை ஏற்படுத்தி இருக்கும் இந்த ஆயுத குவியல் பற்றிய விவரம் வருமாறு:- ராமநாதபுரம் மாவட்டம் ராமேசுவரம் தங்கச்சிமடம் அந்தோணியார்கோவில் கடற்கரை பகுதியை சேர்ந்தவர் மீனவர் எடிசன். இவருடைய வீட்டின் பின்புறம் கழிவுநீர் தொட்டிக்காக நேற்று பணியாளர்கள் குழி தோண்டும் பணியில் ஈடுபட்டு இருந்தனர். அப்போது 3 அடி ஆழத்தில் குழியில் ஒரு இரும்புப்பெட்டி தென்பட்டது. இதையடுத்து அது புதையலாக இருக்கலாம் என்று வீட்டின் உரிமையாளர் எடிசன் இது குறித்து தங்கச்சிமடம் போலீஸ் நிலையத்துக்கு தகவல் தெரிவித்தார். அதன்பேரில் போலீசார் அங்கு…

இலங்கை ஜனாதிபதி மைத்திரிபால சிறிசேனவின் சீர்திருத்த அரசாங்கம் மனித உரிமைகள் குறித்து கவனம் செலுத்தும், நீதிக்கான வாய்ப்பை அதிகரிக்கும், வெளிப்படைத்தன்மையை வலியுறுத்தும், பொறுப்புக்கூறல், மற்றும் சட்டத்தின் ஆட்சியை உறுதிப்படுத்தும் என்று பலர் கருதிய போதிலும், அவர் போதியளவு நடவடிக்கைகளை எடுக்கவில்லை என குற்றச்சாட்டுகள் சுமத்தப்பட்டுள்ளன. இன நல்லிணக்கத்தை முன்னிறுத்தி தேர்தலில் போட்டியிட்ட போதிலும், சமூகங்கள் மத்தியில் பிணைப்பை அதிகரிக்க ஜனாதிபதி எதனையும் செய்யவில்லை. மாறாக இலங்கையில் உள்ள இரு சமூகங்கள் மத்தியிலான, அரசியல் துருவமயப்படுத்தல் அதிகரித்துள்ளது. இவ்வாறு இலங்கையில் போரில் ஈடுபட்ட இரண்டு தரப்புகளும் கற்பனைக்கு எட்டாத போர்க்குற்றங்களில் ஈடுபட்டதாகவும், பாதிக்கப்பட்டவர்களுக்கு இன்னமும் நீதி அவர்களின் கண்களில் தென்படவேயில்லை என்றும் அமெரிக்க காங்கிரஸ் உறுப்பினரான கிறிஸ்…

தமிழீழ விடுதலைப் புலிகளுடன் தொடர்புடையவர்கள் என்ற குற்றச்சாட்டில் அடிப்படையில், வெளிநாடுகளில் வசிக்கும் மேலும் 14 தமிழர்கள் இலங்கைக்குள் நுழைவதற்குத் தடை விதிக்கப்பட்டுள்ளது. இது தொடர்பான வர்த்தமானி அறிவிப்பு நேற்று முன்தினம் புதன்கிழமை பாதுகாப்புச் செயலர் கபில வைத்தியரத்னவினால் வெளியிடப்பட்டுள்ளது. 2016ஆம் ஆண்டு வெளியிடப்பட்ட தடைப் பட்டியலில் இடம்பெற்றுள்ள 86 தனிநபர்கள் பட்டியலுடன், இந்த 14 பேரும் இணைக்கப்பட்டுள்ளனர். ஐ.நா ஒழுங்கு விதிகள் சட்டத்தின் 47ஆம் பிரிவின் கீழ், இந்த அறிவிப்பு வெளியிடப்பட்டுள்ளது. இவ்வாறு மேலதிகமாக தடை செய்யப்பட்டுள்ளவர்களின் பெயர் விபரங்கள் வருமாறு- நடராஜா சத்தியசீலன் அல்லது சீல் மாறன் கமலசிங்கம் அருணசிங்கம் அல்லது கமல். அன்ரனிராசா அன்ரனி கெலிஸ்டர் அல்லது பரதன் சிவசுப்ரமணியம் ஜெயகணேஸ் அல்லது…

தமிழீழ விடுதலைப் புலிகளின் அரசியல்துறைத் தலைவர் என்று அடையாளப்படுத்தப்படும் சின்னத்தம்பி மகாலிங்கம் என்ற இளம்பரிதி இறுதிகட்டப் போரின்போது முள் வேலிக்குள் அடைக்கப்பட்டிருந்ததாகவும், பின்னர் அங்கிருந்து அகற்றப்பட்டு வேறு இடத்திற்குக் கொண்டு சென்றதை கண்டதாகவும் சாட்சியங்கள் கூறியுள்ளதாக ITJP என்ற சர்வதேச உண்மைகள் மற்றும் நீதித் திட்டம் (International Truth and Justice Project) எனும் அமைப்பு கூறியுள்ளது. சர்வதேச உண்மைகள் மற்றும் நீதித் திட்டம் வெளியிட்டுள்ள படம் இளம்பரிதியின் மனைவி, இரண்டு பெண் பிள்ளைகள், ஒரு ஆண்பிள்ளை ஆகியோரும் காணாமல் ஆக்கப்பட்டுள்ளதாகவும், இவர்களை கடைசியாக வட்டுவாகல் பகுதியில் கண்டதாக சாட்சியங்கள் பதிவாகியுள்ளதாகவும் ITJP குறிப்பிட்டுள்ளது. இவர்கள் 18.05.2009ஆம் திகதி காணாமல் போனதாக குறிப்பிடப்பட்டுள்ளது. அத்துடன், அவர்களது…

இசை, சினிமா, கச்சேரி போன்றவற்றில் தென்னிந்தியாவுடன் தென் இலங்கையானது தனது தொடர்புகளை இழந்திருப்பதாகத் தெரியவந்துள்ளது. அந்த தொடர்பை புதுப்பிக்கும் முயற்சி யில் இலங்கை வானொலி இறங்கியுள்ளது. தென்னிந்தியத் திரைப்படங்களுக்கும், இலங்கைக்கும் முன்பு அதிக அளவில் தொடர்பு இருந்தது. இசை, சினிமா, இசைக் கச்சேரி போன்ற துறையைச் சேர்ந்தவர்கள் இலங்கையுடன் நெருங்கிய தொடர்பில் 1950-ம் ஆண்டு முதலே இருந்து வந்தனர். ஆனால் இந்தியா, இலங்கை கூட்டுத் தயாரிப்பில் ஏராளமான தமிழ் படங்களும் தயாரானதும் உண்டு. 1970-களில் நடிகர் சிவாஜிகணேசன் நடித்து வெளிவந்த பட்டிக்காடா பட்டணமா என்ற படத்தில் இடம்பெற்ற ‘என்னாடி ராக்கம்மா பல்லாக்கு நெளிப்பு’ என்ற பாடல் மிகவும் பிரபலம். இதே பாடலின் டியூனைப் பின்பற்றி சிங்களத்தில்…

இலங்கையில் முஸ்லிம் சமூகத்தைச் சேர்ந்த நாடாளுமன்ற உறுப்பினர் காதர் மஸ்தானுக்கு வழங்கப்பட்ட இந்து மத விவகார பிரதி அமைச்சுப் பொறுப்பினை, அவரின் வேண்டுகோளுக்கு இணங்க ஜனாதிபதி மீளப்பெற்றுள்ளார். நேற்று முன்தினம் செவ்வாய்கிழமை – இலங்கை அரசாங்கத்தின் ராஜாங்க அமைச்சர்களாக இருவரும், பிரதியமைச்சர்களாக ஐந்து பேரும் ஜனாதிபதி மைத்திரிபால சிறிசேனவினால் நியமிக்கப்பட்டனர். ஜனாதிபதி மைத்திரி தலைமை தாங்கும் ஸ்ரீலங்கா சுதந்திரக் கட்சியைச் சேர்ந்த நாடாளுமன்ற உறுப்பினர் காதர் மஸ்தான், மீள் குடியேற்றம், புனர்வாழ்வு, வடக்கு அபிவிருத்தி மற்றும் இந்து சமய அலுவல்கள் பிரதி அமைச்சராக நியமிக்கப்பட்டார். இந்த நிலையில், முஸ்லிம் ஒருவரிடம் – இந்து சமய அலுவல்கள் அமைச்சின் பிரதியமைச்சுப் பொறுப்பு வழங்கப்பட்டமைக்கு எதிராக, தமிழர் சமூகத்திலிருந்து…

இஸ்லாமியர் ஒருவரை இந்து மதத்துறை அமைச்சராக நியமித்ததுஇரண்டு சமூகத்தினரையும் பகைமூட்டி வேடிக்கை பார்ப்பதற்கான செயற்பாடாகவே இதனை நாம் பார்க்கின்றோம்.பிறப்பால் ஒவ்வொருவரும் ஒவ்வொரு சமயம் சார்ந்தவர்களாக உள்ளனர். அரசியலுக்கு அப்பால் அவர்களின் மொழியும் சமயமும் பிறப்பால் உரித்தானதாக அமைந்து விடுகின்றது. இதனை எவராலும் மறுத்துரைக்க முடியாது. இந்நிலையில் இந்துமதம் சாராத ஒருவரிடம் இந்து கலாசார பிரதி அமைச்சர் பதவியை வழங்குவது பொருத்தமில்லாத ஒன்று மட்டுமன்றி கண்டனத்திற்கும் விசனத்திற்கும் உரியது. இரண்டு சமூகத்தினரையும் பகைமூட்டி வேடிக்கை பார்ப்பதற்கான செயற்பாடாகவே இதனை நாம் பார்க்கின்றோம். திரு.காதர் மஸ்தான் அவர்கள் பிறப்பால் தமிழ்மொழி பேசுபவராக இருந்தாலும் சமயவிவகாரங்கள் என்னும்போது அவர ;தனது சமய அனுஸ்டானங்களைப் பின்பற்றுபவராகவும் அதன் வழி நடப்பவராகவும் இருக்க…

வடக்கு கிழக்கு மாகாண அபிவிருத்திக் கென ஜனாதிபதி மைத்திரிபால சிறிசேனவால் அமைக்கப்பட்ட சிறப்புச் செயலணியில் தமிழ்த் தேசியக் கூட்டமைப்பின் உறுப்பினர்கள் எவரும் உள்வாங்கப்படவில்லை என்ற விவகாரம் கூட்ட மைப்பில் சலசலப்பை ஏற்படுத்தியுள்ளது. வடக்கு கிழக்கு மாகாணங்களின் அபி விருத்திக்கென சிறப்புச் செயலணி ஒன்று அண்மையில் ஜனாதிபதி மைத்திரிபால சிறி சேனவால் அமைக்கப்பட்டது. இதில் வடக்கு மாகாண முதலமைச்சர் சி.வி. விக்னேஸ்ரன் அவர்கள் இணைத்துக் கொள்ளப்பட்டுள்ளார். இருந்தும் வடக்கு முதலமைச்சர் நீதியரசர் சி.வி.விக்னேஸ்வரன் கூட்டமைப்பைச் சேர்ந்த வர் என்பதை கூட்டமைப்பினர் அடிக்கடி மறந்து விடுகின்றனர். ஜனாதிபதி அமைத்த விசேட செயலணியில் கூட்டமைப்பினருக்கு இடம் வழங்கப்படவில்லை என அந்தக் கட்சியினர் ஜனாதிபதியிடமோ அன்றி வெளிநாட்டுப் பிரதிநிதிகளிடமோ முறை யிட…